+852 62245291 [email protected]

衞生署本月發布《非傳染病直擊》—「活躍兒童的學業成績更佳」,引述美國早年一項研究指,活躍的青少年於數學或英文科獲得「A」的比率較不活躍的同輩高20%,相信與運動提升小朋友自尊心、激起學習動機有關。

2017年7優狀元、現為港大醫科生的蔡維澤來自皇仁書院,他同意多做運動,有助學業發展,「可以多啲體驗,唔使淨係坐喺度『咪書』。」他指,自小學起受老師鼓勵下開始打籃球,小學及中學期間均是校隊成員,並代表校方參與學界比賽。他指,即使學業繁重,仍會每日抽最少1小時做運動,「一係打籃球,一係跑步,可以放輕鬆,又唔使咁悶。」

他又指,雖然在學期間,迎戰DSE相當辛苦,但家人並無阻撓他打籃球,「呢個係興趣嚟嘅,嗰陣一係喺學校打,一係去維園打。」他又呼籲家長們勿將運動功利化,「唔好見到話做運動有助學業,就盲目迫仔囡去做,都要佢哋本身有興趣先得!」

同屆另一位7優狀元梁冠康,則來自民生書院,他現時就讀港大牙醫,尖子光環背後,亦是一名運動健將,他熱愛跑步及游泳,「一星期最少2至3次,覺得對身體會好啲,同埋會有助集中同專注力。」

溫習久坐累積壞姿勢  勤做瑜珈亡羊補牢​

同為港大醫科生、皇仁舊生的梁子熙,則於去年考獲6科5**佳績,他指,自己在中學期間未有做運動習慣,「?陣做功課、補習連埋溫習,都一日用咗6、7個鐘,自己又懶,所以都無咩點做運動。」不過,為學業埋頭苦幹亦付出「代價」,梁同學指,「自己本身坐姿唔好,再加上坐得多,久而久之都有寒背,又會陣陣痛。」他指,考畢文憑試後便開始培養恆常運動習慣,「之後開始去健身中心,試吓健身、又試吓打泰拳,依家最鍾意做瑜珈」,認為拉筋可以改善坐姿及健康。

他又指,讀醫科的壓力甚大,面對排山倒海的學業流程,即使於新年期間,仍要繼續溫書,但為長遠健康着想,他仍然堅持每星期在家做瑜珈2次,「每次做完後,成個人都會鬆晒,頭腦都會好啲,咁溫書都會醒神啲!」

 

轉載自:

https://www.hk01.com/%E6%B8%AF%E8%81%9E/161530/-%E9%81%8B%E5%8B%95%E5%A4%9A%E6%88%90%E7%B8%BE%E4%BD%B3-%E7%9A%87%E4%BB%81DSE%E7%8B%80%E5%85%83-%E6%97%A5%E6%89%93%E4%B8%80%E5%B0%8F%E6%99%82%E7%B1%83%E7%90%83